İmperatorluqların və sivilizasiyaların paytaxtı kimi xidmət edən qədim şəhər İstanbul 572 il əvvəl Fateh Sultan Mehmedin komandanlığı ilə Osmanlı İmperatorluğu tərəfindən fəth edilib.
AZXEBER.COM Türkiyə mətbuatına istinadən xəbər verir ki, qədim zamanlarda üç imperiyanın: Roma, Bizans və Osmanlının paytaxtı olmuş İstanbul "İkinci Roma", "Yeni Roma", "Bizans", "Konstantinopol" və "Konstantiniyye" adlanırılıb.
Tarix boyu 30 dəfə bir çox ordu tərəfindən mühasirəyə alınan şəhər məbədləri, rəsmi binaları, sarayları, hamamları və hipodromu ilə pravoslav xristianların ən əhəmiyyətli mərkəzinə çevrilib.
Yenikapı qazıntıları şəhərin qədim tarixinin 8 min il əvvələ getdiyini ortaya çıxarsa da, eramızın 4-cü əsrində Roma taxtına yiyələnən Böyük Konstantinin şəhəri yeni imperiyasının paytaxtı etməsi şəhərin tarixində dönüş nöqtələrindən biri olub.
Müsəlmanlar üçün Qərbin, xristianlar üçün Şərqin astanasına çevrilən İstanbul 1204-cü ildə Səlib yürüşünə çıxan latınlar tərəfindən də işğal edilib.
Əməvilər dövründə Məhəmməd peyğəmbərin tərifini qazanmaq üçün Konstantinopola üç böyük səfər təşkil edildiyi halda, 781-782-ci illərdə Abbasilər tərəfindən daha bir səfər həyata keçirilib.
Müaviyə bin Əbu Süfyanın komandanlığı ilə bəzi səhabələrin də iştirak etdiyi İstanbulun ilk mühasirəsi sonrakı dövrlərdə silinməz izlər buraxıb.
Məhəmməd peyğəmbəri Mədinəyə hicrət edərkən evində qonaq edən Əbu Əyyub əl-Ənsarinin bu mühasirədə iştirakı və divarlar önündə vəfat etməsi 1453-cü ildə fəth yolunda İslam dünyası üçün böyük motivasiya mənbəyi olub.
Oksana
