İsveçin baş naziri Ulf Kristersson bu gün ölkəsinin NATO-ya inteqrasiyasını başa çatdırdığını və gələn ilin əvvəlində NATO-nun Latviyadakı batalyonuna hərbi qoşun göndərəcəklərini açıqlayıb.
AZXEBER.COM xarici mediaya istinadən xəbər verir ki, İsveç əvvəlcə Türkiyənin, sonra isə Macarıstanın təsdiqi ilə rəsmi olaraq NATO-ya üzv olub.
Mətbuat konfransında çıxış edən İsveçin Baş naziri Ulf Kristersson İsveç Baş Qərargahı ilə NATO-nun birgə bəyannamə imzaladığını bildirib və İsveçin 2022-ci ildə NATO-ya üzvlük üçün başlatdığı prosesin başa çatdığını qeyd edib.
Gələn ilin əvvəlində hökumət Latviyadakı Kanadanın rəhbərlik etdiyi NATO briqadasına qoşun yeritmək qərarına gəlib.
Hərbi hissəyə 400-dən 500-ə qədər şəxsi heyətlə yanaşı, CV 90 tirli zirehli döyüş maşını və Leopard tankları da daxil olacaq.
Ayşən
