Hal-hazırda ev şəraitində həkim nəzarətində olan populyar rəqqasə açıqlamasında vəziyyətinin yaxşılığa doğru dəyişməsini bildirdi: "Tanımadığım bir jurnalistin zəngindən sonra bu hala düşdüm. Bəlkə də heç jurnalist deyil, amma özünü jurnalist kimi təqdim etdi. Şəxsi həyatımla bağlı suallar verdi və mən də onu maraqlandıran sualları cavablandırmaq istəmədiyimi bildirdim. Cavabım onu qane etmədiyindən söhbətimiz alınmadı. Özünü jurnalist adlandıran o adam hətta məni şantaj eləməyə qalxdı. Onun bu hərəkətindən o dərəcədə əsəb keçirdim ki, halım pisləşdi və sol tərəfimdə keyimə hiss etdim."

Rəqqasənin vəziyətinin pisləşdiyini görən yaxınları təcili yardıma zəng ediblər. Həkimlər təzyiqi qalxan Fatiməyə sakitləşdirici iynə vuraraq ilkin yardım göstəriblər. Evdə ürəyinin kardioqrammı çıxarılıb və sabah xəstəxanada ətraflı müayinədən keçəcək.