Tanınmış teelaparıcılar Zaur Baxşəliyev və Günay Baxşəliyeva "ASAN TV"nin qonağı olublar.
AZEBER.COM xəbər verir ki, 14 ildir evli olan cütlük ilk dəfə şəxsi münasibətlərindən danışıblar.
Sevilən cütlük ilk tanışlıq günlərini belə xatırlayır:
"O vaxt xəstəxanaya getmişdim. Mənə yaxınlaşıb dedilər ki, Zaurla evlənsəniz, sizin üçün qurban kəsəcəyik. Həmin anda əsəbiləşdim ki, mən nə üçün gəlmişəm, insanlar mənə nə deyir. Hər şey ATV kanalında başladı. Mən müsabiqədən keçdim və məni Zaura tapşırdılar. Sınaq çəkilişi etdik. Tanışlığımız belə oldu. "Bizim səhər", "Onun yarısı" və digər verilişlərdə birgə çalışdıq. O gün bir şərh oxudum ki, yazmışdılar, "Deyəsən, "Onun yarısı" verilişində ancaq Zaurla Günay xoşbəxt olmağı bacardı. Bu, belə deyil. Bu cür ailələr çoxdur".
Zaur həyat yoldaşının qısqanclığından da gileylənib:
"Artıq 14 il olacaq ki, ailəliyik. Ailəmiz olmasa, dünya dağılar. Hər şey ailənin üzərində qurulub. Günayın da qısqanclığı var, mənim də. Amma yersiz, xəstəlik formasında deyil. Günay qısqanclıqlarına yaxşı bəraət qazandırmağı bacarır. Bilir ki, haradan yanaşsa, qısqanclığı görünməz. Onun emosiyalarını qısqanclıq yox, ağıllı tədbir kimi görürəm".
Günay isə bildirib ki, Zaurla gec ailə qurmasından peşmandır:
"Ailə təhlükəsiz bir liman, sığınacaq, qarşılıqlı hörmət və sevgidir. Çox sevinirəm ki, mənim həyat yoldaşım Zaurdur. İstənilən mövzunu ona danışıram və onun məsləhətlərinə güvənirəm. Mən sevmirəm nəyinsə üstünü ört-basdır edim. Çünki yığılır-yığılır, ailə ailə olmur. Qoy elə onun da başı ağrısın. Ailə quranda Zaurun 31, mənim isə 26 yaşım var idi. İndi düşünürəm ki, kaş daha tez ailə qurardıq, uşaqlarımız bir az böyük olardı. Amma bəzən Zaura deyirəm ki, bəlkə də tez evlənsəydik, ailə olmazdıq. Çünki evliliyimizdən bir neçə il əvvəl Zaur mənə evlilik təklifi etmişdi və bizdə alınmamışdı".
Aysel
