Keçmiş CHP sədri Kemal Kılıçdaroğlu həbs oluna bilər.
AZXEBER.COM Türkiyə mediasına istinadən xəbər verir ki, prokuror keçmiş nazir Ərdoğan Bayraktar haqqında işlətdiyi sözlərə görə "dövlət məmurunu açıq şəkildə təhqir etmək” ittihamı ilə məhkəməyə verilən sabiq CHP sədri Kamal Kılıçdaroğlunun 1 il 2 aydan 2 ilə qədər həbsə məhkum edilməsini istəyib.
2016-cı ildə Kılıçdaroğluna qarşı 17-25 dekabr tarixləri arasında Ərdoğan Bayraktarın ünvanına söylədiyi fikirlərə görə 1 il 2 aydan 2 il 4 aya qədər həbs tələbi ilə iddia açılmışdı. İstanbul 51-ci Asliye Cəza Məhkəməsində 23 fevral 2018-ci il tarixində keçirilən ilk məhkəmə prosesində Kılıçdaroğlunun cinayət işinə xitam verilməsinə qərar verilib.
Lakin Bayraktar bu qərardan apellyasiya şikayəti verdikdən sonra o, İstanbul Regional Ədliyyə Məhkəməsinin 23-cü Cəza Dairəsinə göndərilib. Qərarı qiymətləndirən yuxarı məhkəmə 8 aprel 2021-ci ildə verdiyi qərarı ləğv edərək yerli məhkəməyə geri göndərib. Bu gün İstanbul 51-ci Ağır Cəza Məhkəməsində keçirilən prosesdə tərəflərin vəkilləri iştirak edib.
Prosesdə prokuror çıxış edib. Rəydə Bayraktarın şikayətini geri götürmək üçün ərizə təqdim etdiyi, lakin iddia edilən hərəkətin Türkiyə Cəza Məcəlləsi çərçivəsində cinayət kimi qaldığı bildirilib.
Kılıçdaroğlunun Bayraktar haqqında dediyi sözlər hadisənin baş verdiyi tarixdə mətbuat mənsublarının iştirakı ilə yayılıb. Rəydə Kılıçdaroğlunun işlətdiyi sözün fərqli mənalar daşıdığı izah edilib və onun fikir və ifadə azadlığı dairəsinə daxil olmadığı bildirilib.
Prokuror Kılıçdaroğlunun 1 il 2 aydan 2 il 4 aya qədər həbs cəzası ilə cəzalandırılmasını istəyib. Məhkəmə tərəflərin rəyə qarşı müdafiəsini hazırlamaq üçün iclası təxirə salıb.
Ayşən
