Amerikalı keşiş prezident Baraka Obamaya xeyir-dua verməkdən imtina edib. Keşiş Barak Obamanın eynicinsli nikahları qanunləşdirmək qərarının əleyhinə olduğunu bildirib.Qeyd edək ki, keşiş yanvarın 21-də ABŞ prezidentinin andiçmə mərasimindən sonra ona xeyir-dua verməli idi. Amerika mətbuatı yazır ki, internetdə keşişin xristianlara xitabən moizəsi yayılıb. O, çıxışında möminləri eynicinsli nikahlara qarşı çıxmağa çağırır: "Bu nikahlar cəmiyyətin bütün dayaqlarını sarsıdır".Təşkilat Komitəsinin təşkilatçıları keşişin həmin moizəsindən xəbərsiz olduqlarını bildiriblər. Amerika mətbuatı yazır ki, həmin keşiş insan alverinə qarşı mübarizəsindəki xidmətlərinə görə seçilibmiş.
