Məlum olduğu kimi, bir neçə gün öncə Türkiyə prezidentliyinə namizəd Kemal Kılıçdaroğlu seçki təbliğatı çərçivəsində Azərbaycandan yan keçən "Böyük İpək yolu" xəritəsini əks etdirən xəritə göstərib.
O, bu xəritəni həyatının layihəsi adlandırıb.
Sözügedən xəritəyə həm Azərbaycanda, həm də Türkiyədə sərt reaksiya göstərilib.
AZXEBER.COM xəbər verir ki, "BaBaLa Tv"nin "Youtube” kanalında yayımlanan "Mevzular açık mikrofon” verilişində Azərbaycansız Türk yolu istəyən Kemal Kılıçdaroğluna mövzu ilə bağlı sual verilib.
Müxbirin tarixi İpək yolu layihəsində niyə Azərbaycana yer verilməməsi sualına Kılıçdaroğlu belə cavab verib:
"Əgər prezident seçilsəm, ilk olaraq Şimali Kipr Türk Respublikası, daha sonra Azərbaycana səfər edəcəyəm. Azərbaycanın Bakısı ilə bizim İstanbul arasında heç bir fərq yoxdur. Bizim Azərbaycanla olan dostluğumuz heç bir partiya baxımından fərqli düşünülə bilməz. Nə mən, nə də digər partiyalar bunu fərqli düşünməz. Bizim əsl hədəfimiz Orta Asiyanı Türkiyə və Avropa ilə birləşdirməkdir. Mərkəz Türkiyə layihəsini böyütmək və Türkiyənin Türk Cümhuriyyəti ilə birlikdə daha güclü iqtisadi infrastrukturun qurulmasıdır. Zəngəzur koridorunun açılması lazımdır. Bu koridorun açılması tərəflərin uzlaşmasına, Türkiyənin Azərbaycana qeyd-şərtsiz dəstək verməsinə bağlıdır. İranla Ermənistan arasındakı birlik bu koridorun açılmasını bir az çətinləşdirir. Əgər Türkiyə öz gücünü istifadə edərsə, bu koridorun həm Türkiyəyə, həm İrana, həm Ermənistana, həm Türk Cümhuriyyətlərinə töhfə verəcəyinə inandıra bilsək, Türkiyə də öz bölgəsində çox güclü olacaq”.
Daha ətraflı süjetdə:
Ayşən
