"Barselona” və ya "Liverpul” 2025-ci il klublararası dünya çempionatında Meksikanın "Leon” komandasını əvəz edə bilər.
Bu barədə "Sport.es” məlumat yayıb.
Mənbənin məlumatına görə, FIFA "Leon”un əvəzinə yarışa kimin qatılacağını hələ müəyyənləşdirməsə də, Meksika komandasının yerini məhz Avropanın sözügedən top-klublarından birinin tutacağı ehtimal olunur.
Xatırladaq ki, FIFA "Leon”u klublararası dünya çempionatından xaric edib. Çünki onun bu yarışın iştirakçısı olan Meksikanın "Paçuka” klubu ilə eyni sahibi var. Klublararası dünya çempionatı 15 iyun – 13 iyul aralığında ABŞ-də keçiriləcək.
///Report
