Ukraynanın paytaxtı Kiyevin meri Vitali Kliçko arvadı barədə suala cavab olaraq jurnalist xanımı öpüb.
Kliçko jurnalist xanımı öpməklə arvadı Natalya ilə bağlı suala cavab verməkdən yayınıb. Sözügedən hadisəni əks etdirəm video Ukraynanın TCH telekanalı tərəfindən “Youtube”a yüklənib. Müsahibə Ukrayna Almaniya arasında iyunun 12-də keçirilən futbol matçı (0:2) ilə bağlı sualla başlayıb. Kliçko Futbol üzrə Avropa çempionatının ilk oyununda iştirak edib.
Jurnalist merdən stadiona nə üçün xanımı ilə birgə gəlmədiyini soruşub. Kliçko əvvəlcə bunu ailədaxili məsələlərlə əlaqələndirib, sonra isə bildirib ki, arvadı bütün dünya üzrə səyahət etmək imkanına malikdir. Jurnalist mövzunu davam etdirdikdə Kliçko buna etirazını bildirib: “Böyük məmnuniyyətlə ailə həyatına aid olan ayrıca verilişə gələrdim”.
Bundan sonra müxbir Kiyev merindən arvadının Almaniyada yazdığı diskə qulaq asıb-asmadığını soruşub. Kliçko cavabında jurnalistə onu öpməyi təklif edib: “Mən sizi öpməyi çox istəyirəm. Mən hər dəfə sizi öpəcəyəm”.
///AzNews.az
