Komandamız Çempionlar Liqasında növbəti qələbəsini qazandı
İDMAN
11:05 14.11.2012
1163
Dünən voleybol üzrə qadınlar arasında Çempionlar Liqasında “Rabitə” komandası qrup mərhələsində 3-cü oyununu keçirib. Azərbaycan Voleybol Federasiyasının mətbuat xidmətindən verilən məlumata görə, “B” qrupunda mübarizə aparan komandamız III qələbəsinə imza atıb.Polşanın “Atom Trefl SOPOT” komandasının qonağı olan qızlarımız hər üç hissədə rəqibindən üstün olub (19:25, 22:25, 25:27) və təmiz qələbə qazanıb 3-0. Beləliklə “Rabitə” bu günə qrup lideridir.“Rabitə” növbəti görüşünü 22.11.2012-ci il tarixində paytaxtımızda Polşanın “Atom Trefl SOPOT” komandasına qarşı keçirəcək.Rabitə 2 2 0 6-1 172-140 6Atom 2 1 1 4-3 164-154 3Villa Kortese 2 1 1 4-4 180-185 3Agel 2 0 2 0-6 114-151 0Avro Kubok yarışlarında mübarizə aparan daha bir komandamız “İqtisadçı” “Avropa Voleybol Konfederasiyası” kubokunda daha bir oyun keçirib. Azərbaycan Voleybol Federasiyasının mətbuat xidmətindən ANS PRESS-ə verilən məlumata görə, universitet komandası paytaxtımızda Rusiyanın “Omichka OMSK REGION” komandasını qəbul edib. İlk hissədə qonaqlara 25-22 hesabı ilə məğlub olsada növbəti hissələrdə komandamız çox gözəl oyun nümayiş etdirib və ardıcıl olaraq 3 hissəni qalib başa vurub (25-11, 25-20, 25-17).Qeyd edək ki, komandamız CEV kubokunda 1/8 Final mərhələsində cavab oyununu səfərdə 21.11.2012-ci il tarixində keçirəcək.İqtisadçı - Omichka OMSK REGION 3-1 (22-25, 25-11,25-20, 25-17)
