Cənubi Koreya Müdafiə Nazirliyi Şimali Koreyanın Hərbsizləşdirilmiş Zona daxilindəki yollara mina qoymağa davam etdiyini bildirib.
AZXEBER.COM Cənubi Koreyanın "Yonhap" xəbər agentliyinə istinadən xəbər verir ki, Cənubi Koreyanın bəzi hərbi rəsmiləri də Şimali Koreyanın aprel ayından bəri minaları yerləşdirmək və maneələr yaratmaq üçün bölgəyə çoxlu sayda əsgər göndərdiyini iddia edib.
Ötən il Şimali Koreyanın iki ölkə sərhədində - Çeorvondakı Arohed təpəsi yaxınlığında DMZ daxilindəki yollara mina qoyduğu müəyyən edilib.
Bu ilin yanvarında Şimali Koreya lideri Kim Çen In sərhəddə iki ölkə arasında bütün kommunikasiyaların kəsilməsi, o cümlədən Gyenqui magistralının bağlanması üçün kəskin tədbirlərin görülməsinə göstəriş verib.
Qeyd edək ki, Şimali Koreya aprelin 18-i 2004-cü ildə qurulan və sonradan Koreyalararası barışıq prosesinin bir hissəsi olaraq ləğv edilən "Kaesong Sənaye Kompleksi"ndən Kumqanqsan dağına qədər olan yollardakı küçə işıqlarını söküb.
Mikayıl
