"Bütün regionlarda yoluxma var. İnsanların test edilməsinə elmi əsaslarla yanaşmaq lazımdır".
APA-nın məlumatına görə, bunu Nazirlər Kabineti yanında Operativ Qərargahın mətbuat konfrasında qərargahın üzvü, TƏBİB-in şöbə müdiri Yaqut Qarayeva bildirib.
Onun sözlərinə görə, ÜST-ün test aparmaq üçün sənədi var, orada qeyd edilib ki, test kliniki simptomları olanlarda və yaxın təmaslarda aparılır: "Bütün ölkənin test olunmasının elmi əsası yoxdur, bununla bağlı heç bir tövsiyə də yoxdur. Təmaslarda ciddi problem yaşayırıq. Araşdıranda görürük ki, bir xəstə evdən çıxır, onun 4-5 gündə getdiyi yolu hesabladıqda baxırıq ki, onlarla insanla təmasda olub. Bir testi pozitiv olan adam azı 20-50 adamı yoluxdurur".
