Oktyabrın 7-də MDB ölkələri liderlərinin qeyri-rəsmi sammiti planlaşdırılmır.
Bunu Kremlin mətbuat katibi Dmitri Peskov bildirib. Onun sözlərinə görə, həmin gün Putinin mütəmadi tədbirlər planı var.
Kremlin sözçüsü Putinin Qırğızıstana səfərinin tarixi müəyyənləşdiyini, lakin onu açıqlamağın hələ tez olduğunu söyləyib.
Qeyd edək ki, oktyabrın 7-si Putinin doğum günüdür. Uzun illərdir ki, Rusiya Prezidentinin doğum günündə MDB ölkələri liderlərinin qeyri-formal sammiti keçirilir.
