Kremlin sözçüsü Dmitri Peskov, ABŞ-dan Ukraynaya təklif etdiyi, "30 günlük dərhal atəşkəs" təklifi ilə bağlı açıqlama verib.
AZXEBER.COM xarici mətbuata istinadən xəbər verir ki, Kremlin sözçüsü Dmitri Peskov paytaxt Moskvada ABŞ-ın Ukraynaya "30 günlük dərhal atəşkəs" təklifi və gündəmdəki bəzi digər məsələlərlə bağlı qiymətləndirmələr edib.
Rusiya prezidenti Vladimir Putinin nadir torpaq elementləri ilə bağlı ABŞ ilə əməkdaşlıqla bağlı açıqlamalar verdiyini xatırladan Peskov, "Bu mövzuda imkanlar var, lakin hələlik məsləhətləşmələr aparılmır" deyib.
Rusiya tərəfinin ABŞ-ın Ukraynaya "30 günlük dərhal atəşkəs” təklifinə yanaşması ilə bağlı suala Peskov belə cavab verib: "Siz bir az tələsirsiniz. Biz tələsmək istəmirik. ABŞ dövlət katibi Marko Rubio və ABŞ-nin milli təhlükəsizlik müşaviri Mayk Vals bu məsələ ilə bağlı bizə məlumat verəcəklərini bildiriblər. Biz hər hansı şərh verməzdən əvvəl ABŞ tərəfini dinləməliyik”.
ABŞ və Rusiya arasında yaxın vaxtlarda görüşün planlaşdırıldığı barədə məlumatı paylaşan Peskov görüşün hansı rəsmilər arasında olacağı sualını cavabsız qoyub.
Gülay
