Sosial Müdafi Fondunun Kürdəmir rayon şöbəsində baş alıb gedən korrupsiya faktları vətəndaşların ciddi narazılığına səbəb olub.
Bu barədə bir qrup Kürdəmir rayon sakininin AZXEBER.COM-a göndərdiyi şikayət məktubunda bildirilir. Məktubda Dövlət Sosial Müdafi Fondunun Kürdəmir rayon şöbəsində çalışan işçilərin idarəni rüşvət yuvasına çevirdikləri qeyd olunub. Bundan başqa sakinlər ƏƏSM naziri Səlim Müslümova müraciət edərək baş verən özbaşınalıqlara görə ondan yardım istəyiblər.
Məktubu olduğu kimi təqdim edirik:
"Biz Kürdəmir rayon sakinləri Azərbaycan Respublikasının Konstitusiyasının 57-ci maddəsini rəhbər tutaraq kollektiv şəkldə müracit edirik. Şikayətimiz Dövlət Sosial Müdafi Fondunun Kürdəmir rayon şöbəsində baş alıb gedən korrupsiya ilə bağlıdır. DSMF-nin Kürdəmir rayon şöbəsinin hər bir əməkdaşı necə deyərlər vətəndaşları talamaqla məşğuldur. Xüsusən də bu hal nazirə yaxın qohum olduğu bildirilən Əlyunis Mütəllimovun müdir təyin olunmasından sonra daha da geniş vüsət alıb. Fondun sosial müavinətlər üzrə işçisi Ramin Mürsəlov sosial müavinətlərin təyinatına görə vətəndaşlardan məcburi qaydada rüşvət alır. Həmiçinin də öz vəzifəsinin öhdəsindən gələ bilmir və nazirliyə verdiyi rüşvət qarşılığında həmin postu tutub. Hər cür müavinətlərin təyinatına görə vətəndaşlardan pul dilənməklə məşğuldur. Bütün sakinləri süründürür, incidir. Bu şəxsə də qayıdıb nəsə deyəndə də deyir ki, "məni bura nazirlik təyin edib, get hara deyirsen de". Aidiyyatı vəzifəli şəxslərə üzümüzü tutub deyirik: Bunlar kimdir axı vətəndaşları belə incidir? Ölkə başçısı cənab İlham Əliyev vurğuluyub ki, "məmur xalqın xidmətçisidir". Amma əməldən görünür ki, cənab Prezidentin bu sözü Əmək və Əhalinin Sosial Müdafiəsi Nazirliyinin yerli şöbədə işləyən məmurlar üçün keçərsizdir. Ramin Mürsəlov barəsində təcili ciddi və təxirəsalınmaz tədbirlərin görülməsini biz Kürdəmir sakinləri sizlərdən tələb edirik.
Fondun digər işçilərindən Hamil Hidayətov və Şahin İsmiyev öz başınalıqlarını davam etdirirlər. Ünvanlı sosial yardım üzrə məsul şəxs olan Hidayətov Hamil sosial yardım almaq istəyən vətəndaşların sənədini elektron sistemə (VEMTAS-a) daxil etməyin müqabilində vətəndaşlardan 500-1000 (beş yüz - min) manat rüşvət tələb edir.
İsmiyev Şahin dövlət sosial sığorta şəhadətnamələrini vətəndaşlara pulla satır. Və həmçinin vətəndaşlarla münasibətdə etikanı pozur. Pensiya təyinatında qanunsuzluq , korrupsiya hökm sürür. Yaşa görə və əlilliyə görə müvafiq staja sahib olmayan şəxslərdən 2000 - 3000 manat məbləğində rüşvət alıb pensiya təyinatı aparırlar. Fondun əməkdaşları çoxlu sayda vətəndaşların plastik kartlarına sahibdirlər.
Həmçinin fondun işçiləri bahalı avtomobillərə və bir neçə yerdə əmlaka sahibdirlər. Aidiyyatı orqanlara sual veririk : Dövlət qulluqçusu aldığı təxminən 250-300 manat əmək haqqı müqabilində bu qədər əmlaka necə sahib olublar? Təcili olaraq fondun adı çəkilən işçiləri və digər işçiləri barədə amansız , ciddi tədbirlərin görülməsini tələb edirik .
DSMF-nin Kürdəmir rayon şöbəsində anarxiya, korrupsiya tüğyan eləyir. Və bu da günü - gündən inkişaf edən ölkəm izin sosial siyasətinə qara ləkə salır”.
Şikayətlə bağlı qarşı tərəfin də mövqeyini yayımlamağa hazırıq!
