Filmin ssenari müəllifləri bu barədə sualları cavablandırdılar
“Ölkədə kürd problemi həllini tapmadan “Kurtlar Vadisi Pusu” serialı qurtarmayacaq”. Bunu “Kanal 24” telekanalının “Sansürsüz” (Senzurasız) proqramında qonaq olan “Kurtlar Vadisi Pusu” serialının ssenari müəllifləri Bahadır Özdener ve Cüneyt Aysan deyib.
Qeyd edək ki, proqramın aparıcısı Yiğit Bulud tamaşaçıların sosial şəbəkələrdə daha çox serialın nə vaxt bitməsi barədə suallar verdiyini deyib. Bulud həmçinin fanatlar arasında serialın qurtaracağına dair ciddi təşviş olduğunu qeyd edib.
Bahadır Özdener bu sualın cavabının olmadığını, amma serialın da nə vaxtsa qurtaracağını bildirib. “Professorlardan biri, “Kürd problemi həllini tapmasa bu serial qurtarmaz” – deyib. Bu bölgədə problemlər bitməz. "Kurtlar Vadisi" nə vaxt bitər, bunu biz də bilmirik. Təbii ki, bu serial da nə vaxtsa qurtaracaq. Bəlkə də serialı tamamilə nəhayətləndirmək yox, konseptini dəyişdirmək doğru olar”.
Aparıcının, “bu mövsüm qurtaracaq” – kimi iddialar var sualına isə müəlliflər, ssenarini hər il iyunda qurtaracaqmış kimi yazdıqlarını vurğulayıblar. //ANSPRESS
