Həmin layihələr arasında bəzən çox maraqlıları ilə yanaşı, maraqsızları da olur.

AZXEBER.COM  xəbər verir ki, bu sözləri Azərbaycan Respublikasının Prezidenti yanında Gənclər Fondunun icraçı direktoru, 2015-ci ildə Bakı şəhərində keçiriləcək Avropa Oyunlarının Təşkilat Komitəsinin üzvü Fərhad Hacıyev “Azərbaycan”qəzetinə müsahibəsində bildirib.

O qeyd edib ki, hər zaman maraqlı layihələrə üstünlük verilir:

“Gənclər təşkilatlarına fonda layihə təqdim etməzdən öncə müraciət edərək birbaşa öz istəyimizi bildiririk. Bəlkə də elə məhz bu səbəbdən müraciət edilən layihələrin 70-80 faizi bizi qane edən layihələr siyahısındadır. Biz istəyirik ki, gənclərimiz bunu bilsinlər ki, fond məhz ölkə başçısı tərəfindən onlar üçün yaradılıb”-deyə F.Hacıyev bildirib.

O əlavə edib ki, Fond gənclərin öz ideyalarını, təşəbbüslərini həyata keçirməsinə dəstək olmaq üçün yaranan bir qurumdur.

Fondun icraçı-direktorunun sözlərinə görə, bu, gənclərə yaradılmış çox gözəl bir imkandır.