Moskvadakı internat və uşaq evlərinin yetirmələri üçün Heydər Əliyev Fondunun vitse-prezidenti Leyla Əliyevanın adından Yeni il şənliyi təşkil olunub, hədiyyələr təqdim edilib.
AZXEBER.COM AzərTac-a istinadən xəbər verir ki, Moskvadakı “Baku” Kinokonsert Kompleksində Rusiya paytaxtının internet və uşaq evlərinin yetirmələri, habelə Azərbaycan etnomədəni komponentli 157 nömrəli və gürcü etnomədəni komponentli 1331 nömrəli məktəblərin şagirdləri üçün Yeni il şənliyi təşkil edilib.
Heydər Əliyev Fondunun Rusiyadakı nümayəndəliyi və Ümumrusiya Azərbaycanlılar Konqresi tərəfindən hazırlanmış bayram tədbirində 500-dən çox uşaq iştirak edib. Şənliyin bütün iştirakçılarına Heydər Əliyev Fondunun vitse-prezidenti Leyla Əliyevanın adından gözəl hədiyyələr təqdim olunub. S.V.Obraztsov adına Rusiya Dövlət Akademik Mərkəzi Kukla Teatrının aktyorları “Durnabalığının buyruğu ilə” musiqili tamaşasını təqdim ediblər.
