İstanbula transfer aktyorun ailəsinin xahişi ilə baş tutub
Türkiyəli aktyor Nejat İşlər Bodrumdan İstanbula gətirilib. ANS PRESS-in Türkiyə mətbuatına istinadən verdiyi məlumata görə, sənətçinin müalicəsinin burada aparılmasının daha yaxşı reaksiya verəcəyi hesab edilir.Süni tənəffüs cihazına qoşulan 41 yaşlı aktyor təcili yardım təyyarəsi ilə İstanbula çatdırılıb. Yanvarın 17-dən Bodrum Acıbadem Xəstəxanasında müalicə olunan Nejatın həkimi bu barədə müxbirlərə danışıb:"İstanbula transfer aktyorun ailəsinin xahişi ilə baş tutdu. Bu istəklərini bir neçə gün əvvəl bildirmişdilər. Lakin xəstənin vəziyyəti buna imkan vermirdi".
