yaşaya bildiyim qədər əzablı,
yaşlı dünya cavanlaşdı,
yaşlandı bir cavan oğlan.
* * *
Mən səni gerçəkdən sevdim,
bircə ayrılıq bəhanəm yalan oldu.
Sevərək ayrılanlar bilər,
sevginin nə qədər uzaq,
ayrılığın nə qədər yaxın olduğunu.
* * *
Mən səni gerçəkdən sevdim,
məhəbbət partlaması,
eşq eyfariyası,
ağır sevgi zamanı,
kantuziya almış aşiq,
qəlbdən əlil,
sevgi əngəlli.
* * *
Mən səni gerçəkdən sevdim
və indi anladım
sevgi və siqaretin
insan orqanizminə eyni dərəcədə
zərərli olduğunu.
Səhiyyə nazirliyi xəbərdarlıq edir:
sevmək sizin sağlamlığınız üçün təhlükəlidir...
Məmməd Rauf (Ağayev)
