"Mən mahnılarımın ata və anasıyam. Vəfa Şərifova isə mahnımın dayəsidir. Şəbnəm məndən yox, Vəfadan icazə alıb".
AZXEBER.COM xəbər verir ki, bu sözləri müğənni Şöhrət Məmmədov mahnısını oxuyan və ondan icazə almayan Şəbnəm Qəhramanovanın ünvanına deyib.
Atv telekanalında Zaur Nəbioğlunun təqdimatında yayımlanan Rəngarəng verilişində qonaq qolan Şöhrət bunu irad olaraq Şəbnəmə də bildirdiyini deyib:
"Mən o mahnının xeyrini Vəfa Şərifovadan görmüşəm. Hədiyyə verməmişəm, pulu ilə satmışam. Şəbnəm Qəhramanova da onu oxuyanda məndən halallıq almayıb, Vəfadan alıb. Elə bil ki, uşağın ata-anası kənarda qalır, sən dayədən icazə alırsan. O mahnılar ərsəyə gələnə qədər mən nə əziyyətlər çəkirəm, övladım kimidir hər bir bəstəm. Belə bir vəziyyət yarandı. Mən iradımı Şəbnəmə də zəng edib bildirdim. O da üzr istədi ki, fikirli olmuşam, ağlıma gəlməyib".
Aysel
