Mandelanın dəfninə 59 ölkənin prezidenti və baş naziri gələcək
DÜNYA
10:40 09.12.2013
963
59 ölkənin dövlət və hökumət başçıları dekabr ayının 10-da Cənubi Afrika Respublikasının eks prezidenti Nelson Mandelanın dəfn mərasimində iştirak edəcək.ANS PRESS-in Rusiya mətbuatına istinadən verdiyi xəbərə görə, bu informasiyanı Reuters agentliyi yayıb. Cənubi Afrika Respublikasının hökumət naziri Kollinz Çaban bildirib ki, dəfn mərasiminə dövlət və hökumət başçıları ilə yanaşı, beynəlxalq və regional təşkilatların nümayəndələri, BMT, Avropa Birliyi və Afrika İttifaqının da rəsmiləri gələcək.ABŞ prezidenti Barak Obamanı isə xanımı Mişel Obama, eks prezidentlər – Cimmi Karter, Corc Buş (oğul), Bill Klinton (xanımı ilə) və Konqressin 26 üzvü müşayiət edəcək. Braziliya prezidenti Dilma Rusself də dəfn mərasiminə 4 eks prezidentlərlə birgə gələcək.
