Ötən ilin sonunda Azərbaycan əsilli iş adamıTelman İsmayılovun əlindən alınan və "Halk Bank"a dəyərindən dəfələrlə ucuz satılan dünyanın ən lüks oteli növbəti təmtəraqlı toya hazırlaşır. Hindli iş adamı qalmaqallı oteli övladının toyuna görə 3 günlük bağlatdırır.
Bir neçə gün öncə AST Telmanın milyardlarla dollar xərcləyərək tikdirdiyi "Mardan Palace"ın "Halk Bank"a satılması ilə bağlı tenderin ləğvinə dair məhkəmə prosesi olub. Ancaq hərracın ləğvi üçün "Mardan Palace"ın nəzdində olduğu AST İnşaat şirkəti məhkəməyə müraciət etmişdi. Otel iş adamının borclarına görə satılmışdı.
Hindli iş adamıAjay Guptanın oğlu Kamal Gupta ilə digər iş adamının yaxın qohumu olan Akaş Jahajgarhia ilə evlənir. Toy 3 gün, 3 gecə davam edəcək. Bu gün isə möhtəşəm mərasimin ikinci günüdür.
Oteldə ancaq ailənin 285 əməkdaşı çalışır. Onların arasında dərzi, xına çəkənlər, saç ustaları, şəxsi xidmətçilər, hətta ütüçülər belə var. Qonaqların sayı isə 600-dən çoxdur. Onların əksəriyyəti İngiltərə, ABŞ, Afrika, Dubaydan gəlib.
"Mardan Palace"də hind toyu
Mərasimin işıqlandırılmasını Londandan gələn xüsusi heyət həyata keçirir. Dekor işləri ilə isə 15 nəfər məşğuldur ki, onların da 3-ü hindlidir. Dekor üçün Hollandiyadan 71 konteyner çiçək gətirilib.
Oteldəki Avropanın ən böyük hovuzunun üzərində xüsusi səhnə qurulub. Orada dünyanın ən məşhur 100 Bollivud ulduzu çıxış edəcək, akrobat və rəqqaslar şou nümayiş etdirəcək.
Qonaqlar üçün 150 aşpaz həm milli, həm də Avropa mətbəxindən yeməklər hazırlayır. 50 nəfərlik fotoqraf qrupu çalışır.
Bu gün mərasimin ən maraqlı hissələrindən biri - "üzük mərasimi" olacaq. Üzüklər paraşütlə havadan gətiriləcək. Hind ənənələrinə görə, ən önəmli hissə sayılan "Barat mərasimini" bütün Antalya izləyə biləcək. Otelin xarici qapıları önündə rəqsli yürüş 1,5 saat davam edəcək. /// milli.az
