Mayın 18-də Marsol Group sponsorları və partnyorlarının iştirakı ilə "İşgüzar Axşam Ziyafəti və B2B görüş" təşkil olunub.
AZXEBER.COM xəbər verir ki, görüşdə çıxış edən İş Adamları Cəmiyyətinin Milli Assosiasiyası (İCMA) İdarə Heyətinin sədri və Marsol Group-un təsisçisi Tural Mustafayev Marsol Group-un fəaliyyəti, sahibkarlığın inkişafı istiqamətində həyata keçirilən layihələr haqqında sahibkarları məlumatlandırıb.
Həmçinin görüş sponsor şirkətlərlə əlaqələrin inkişaf etdirilməsi və potensial əməkdaşlıq istiqamətlərinin müzakirəsi baxımından əhəmiyyətli olub.
Görüşdə Dövlət Vergi Xidmətinin Vergi Siyasəti baş idarəsinin rəisi Nicat İmanov iştirak edərək təmsil etdiyi qurumun sahibkarlığın inkişafına yönəlmiş təşəbbüsləri barədə məlumat verərək iştirakçılarla fikir mübadiləsi aparıb.
