Aparıcı Tarix Əliyev Sevda Ələkbərzadənin bayağı müğənnilər haqqında dediyi ifadələrə münasibət bildirib.
AZXEBER.COM xəbər veriri ki, o, MTV-də yayımlanan "Tarixin bir günü” verilişində, müsahibələrində ad çəkməyən sənətçiləri qorxaq adlandırıb:
"Bu yaxınlarda Mədəniyyət Nazirliyi bir tədbir keçirdi. 20 ilin Tolikiyəm, mədəniyyətdə, şou biznesdə önəmli fiquram. Mən o tədbirdə niyə yox idim? Nazir yenə öz tanışlarını yığmışdı ora. Kim nə istəsə danışdı, getdi. Orada oturub sənətdən danışan bəzi insanlar nə iş görmüşdü ki, orada idilər? Mərd şəkildə deməkdən çəkinmirəm ki, bayağı dediyiniz müğənnilərdən danışanda adını çəkmirsinizsə, deməli siz elə qorxaqsınız”.
Aparıcı-prodüser reytinqin onun üçün daha önəmli olduğunu bildirərək sözlərinə davam edib:
"Əməkdar artist Sevda Ələkbərzadəyə böyük hörmətim var. Ona buradan bir söz deyəcəyəm. Gəlin sizi bir gün efirimə dəvət edim. O bayağı dediyiniz müğənnilərin ötən həftə verdikləri reytinqə də baxın, öz reytinqinizə də. Mən reytinqə işləyirəm və tamaşaçıma onların istədiyi müğənniləri çağırmalıyam. Əgər siz gələndə mən sıfır reytinq verəcəyəmsə mənə lazım deyil o veriliş. Çünki mənim digər kanallarda rəqiblərim var. Nə qədər ki, sizin kimi xalq və əməkdar artistlər verilişə gələndə şərt qoyacaq ki, tək gəlim, onu edin, bunu edin mən sizin kimi sənətkarları efirimə çağırmayacağam. Çünki mənə bölgələrdəki tamaşaçılarım daha maraqlıdır".
Aysel
