Quantanamo həbsxanasında məhbusların aclıq aksiyasi davam edir.
AZXEBER.COM-un məlumatına görə, aksiyada 30-dan çox məhbus iştirak edir. Etirazçılardan 11-i qida qəbul etməyə məcbur edilib. Aclıq edən məhbuslar həbsxana rəhbərliyinin onlara içməli su vermədiyindən və kameraların çox soyuq olmasından şikayətlənirlər. Aksiyaya səbəb kimi isə həbsxana işçilərinin Qurana qarşi hörmətsizliyi göstərilir. Lakin məhbusların əksəriyyəti aclıq edənlərə çarəsizlikdən qoşulublar. Belə ki, onlardan bəzilərinə qarşı ittiham irəli sürülməsə də, 10 ilə yaxındır ki, dəmir barmaqlıqlar arxasındadırlar.
