HƏMAS İsrailin baş naziri Benyamin Netanyahunu Qəzza zolağındakı israilli məhbusların həyatına görə məsuliyyət daşıdığını bildirib.
AZXEBER.COM xarici mətbuata istinatən xəbər verir ki, bunu HƏMAS idarəçilərindən olan Üsamə Həmdan mətbuat konfransında deyib.
Onun dediyinə görə, İsrail ordusunun hücumları səbəbindən Qəzzada israilli məhbuslar ölüm riski ilə üzləşiblər.
Əsir mübadiləsinə işarə edən Həmdan vurğulayıb ki, İsrail Qəzza zolağına hücumlarını dayandırmadıqca heç bir məhbus mübadiləsi və ya danışıqlar mümkün deyil.
Həmdan İsrailin Fələstin xalqını Qəzzadan zorla köçürməyi planlaşdırdığına dair xəbərdarlıq edərək "Bu planlarda iştirak edən hər kəs nə qədər yaxşı niyyətli olsa da, soyqırım və deportasiya cinayətinə ortaqdır" - deyib.
İsrailin baş naziri Netanyahunun məqsədlərinin əlçatmaz olduğunu bildirən Həmdan Netanyahu və İsrail ordusunun qisas və qaniçənlik istəyi ilə hərəkət etdiyini vurğulayıb.
Hamdan Netanyahunun qələbədən çox uzaq olduğunu, hazırkı vəziyyətin onun məğlubiyyətinin və hərbi cinayətkar kimi məhkəməsinin başlanğıcı olduğunu bildirib.
Hamdan son sözlərində "Müharibə nə qədər davam etsə də, qələbə Netanyahu və ordusu üçün gerçəkləşməyəcək bir xəyaldır. Bunun üçün hazırlıq işləri görülüb” - deyərək İsraili tənqid edib.
Mikayıl
