Mehriban Əliyeva "Şəhid Benazir Bhutto Qadın Mükəmməlliyi Mükafatı" ilə təltif olunub

SİYASƏT
09:20 28.12.2013
974

Pakistanın Sind əyalətinin Larkana şəhərində “Şəhid Benazir Bhutto Qadın Mükəmməlliyi Mükafatı-2013” mükafatlarının təqdimat mərasimi keçirilib.

AZXEBER.COM-a Azərbaycanın Pakistandakı səfirliyindən verilən məlumata görə, mərasimdə Pakistanın sabiq prezidenti Asif Əli Zərdari, Sind əyalətinin baş naziri Kaim Əli Şah, əyalət kabinetində təmsil olunan nazirlər, Milli Assambleyanın üzvləri, senatorlar iştirak ediblər.Benazir Bhuttonun anadan olduğu Larkana şəhərində qətlə yetirildiyi günün ərəfəsində keçirilmiş mərasimdə ali qonaq qismində iştirak edən Pakistanın sabiq prezidenti Asif Əli Zardari Benazir Bhuttonun Pakistanın həyatında oynadığı əvəzsiz roldan danışıb, onun bütün həyatını demokratiyanın bərqərar olunmasına həsr etdiyini, habelə Pakistanda qadın və uşaqların problemlərinə xüsusi diqqət yetirdiyini vurğulayıb. Sonda o, Azərbaycanın birinci xanımı, Heydər Əliyev Fondunun prezidenti, UNESCO və İSESCO-nun xoşməramlı səfiri Mehriban Əliyevanın “Şəhid Benazir Bhutto Qadın Mükəmməlliyi Mükafatı-2013” mükafatı ilə təltif olunduğunu elan edib.Tədbirdə çıxış edən Sind əyalətinin ailə və qadın məsələləri üzrə naziri Rubina Kaimxani B.Bhuttonun Pakistanda elm, təhsil və mədəniyyətin inkişafına, habelə qadınların cəmiyyətdə mühüm rol oynamasına xüsusi töhfələr verdiyindən danışıb. Daha sonra o, Mehriban Əliyevanın təşəbbüsü və dəstəyi ilə Pakistanın bütün əyalətlərində təhsil, səhiyyə və humanitar sahələrdə irimiqyaslı layihələrin həyata keçirildiyini, bu tədbirlər çərçivəsində 2007-ci ildə Pakistanın zəlzələdən zərər çəkən Müzəffərabad şəhərindəki qızlar məktəbinin inşa edildiyini diqqətə çatdırıb.Bundan əlavə, 2012-ci ildən başlayaraq Heydər Əliyev Fondu Pakistanda yeni layihələr proqramına start verib ki, bu proqram çərçivəsində sel daşqınlarından zərər çəkmiş məktəb Fond tərəfindən əsaslı təmir edilib. Proqrama əsasən, Xeybər-Paxtunxva və Pəncab əyalətlərində hepatit B virusuna qarşı peyvəndləşdirmə aparılıb, Peşəvər şəhərində “Akbar Care” serebral iflic institutunda pulsuz müayinə təşkil edilib, Kulsum İnternational xəstəxanasında açıq ürəkdə əməliyyatlar aparılıb, Hamza Fondu (Peşəvər) üçün müasir qanköçürmə avadanlıq və laboratoriya ilə təchiz edilmiş təcili tibbi yardım maşını və minlərlə qanköçürmə paketləri alınıb, Xeybər Göz Fondunun yeni binasının inşasına və Saif Fonduna maddi yardımlar edilib.

Hazırda isə Dera İsmail Xan bölgəsində su təchizatı sistemi inşa edilir. Eyni zamanda 2012 və 2013-cü illərdə Fond tərəfindən Pakistanın bütün əyalətlərində Ramazan ayında kimsəsiz uşaqlar üçün iftar süfrələri açılıb, Qurban bayramında isə Pəncab əyalətinin İslamabad, Fəyzabad, Xeybər-Paxtunxva əyalətinin Lakki Marvat şəhərində, həmçinin Bəlucistan əyalətinin zəlzələdən zərər çəkmiş bölgəsində qurbanlıqlar kəsilərək əhalinin imkansız təbəqələrinə paylanıb. Əlavə olaraq Fond Pakistanın 12 aparıcı universitetinin 36 tələbəsi və Rara məktəbinin 5 şagirdini aylıq təqaüdlərlə təmin edir.

Daha sonra o, cari ilin mart ayında Bakıya səfəri zamanı Azərbaycanın birinci xanımı Mehriban Əliyeva ilə görüşünün təəssüratlarını bölüşüb. “Şəhid Benazir Bhutto Qadın Mükəmməlliyi Mükafatı-2013” mükafatı eyni zamanda Türkiyənin birinci xanımı Hayrunnisa Gülə də verilib.

OXŞAR XƏBƏRLƏR

ƏN SON XƏBƏRLƏR

19:18 12.02.2025

Azərbaycan klubunun həkimi 5 oyunluq cəzalandırılıb

19:06 12.02.2025

“Barselona” Levandovski ilə müqavilə müddətini uzadacaq

18:52 12.02.2025

Rusiya PUA istehsal edən Ukrayna müəssisələrinə raket zərbəsi endirib

18:39 12.02.2025

İran Trampın təzyiqinə görə ABŞ ilə danışıqlardan imtina edib

18:26 12.02.2025

Ermənistan hərbçiləri ABŞ-də hərbi təlimlərdə iştirak edir

17:54 12.02.2025

Əfv Məsələləri Komissiyasının ilk iclası keçirilib, 100-dən çox müraciətə baxılıb

17:38 12.02.2025

Sumqayıt Dövlət Universitetinə yeni rektor əvəzi təyin olundu - RƏSMİ

17:37 12.02.2025

Polşada ən çox bu ölkələrin vətəndaşları cinayət törədib: Gürcüstan, Ukrayna, Belarus

17:32 12.02.2025

"Azərbaycan bizim ölkəyə Afrika bazarlarının qapısı kimi baxa bilər"

17:23 12.02.2025

“Yapı Kredi Bank” Azərbaycanda müştərilərin ən çox şikayət etdiyi bank oldu - SİYAHI

17:21 12.02.2025

Somali Prezidenti: Azərbaycan bizim ölkəyə Afrikanın bazarlarına qapı kimi baxa bilər

17:19 12.02.2025

İlham Əliyev: Azərbaycanda təhsil alan Somalidən olan tələbələrin sayı artacaq

17:15 12.02.2025

Əməliyyata pulumuz çatmadı, yoldaşımı itirdik - "Talassemiya işi"

17:10 12.02.2025

Evi olmayan şəxs həbsə girmək üçün cinayət işlədi

16:53 12.02.2025

Sevda Ələkbərzadə Bakı Konqres Mərkəzində konsert verəcək

16:48 12.02.2025

Polisə dəstək olanların xüsusi geyim formaları olacaq