Şəmkir rayonunun Xuluf kəndində baş verən yanğın hadisəsinin təfərrüatı məlum olub.
AZXEBER.COM "Xəzər" TV-yə istinadla xəbər verir ki, ailədə tez-tez mübahisələr yaranırmış.
Ev sahibi Nəzakət İsmayılova iddia edir ki, oğlu Rauf Vəliyev onunla mübahisə edir və ona fiziki təzyiq göstərirmiş:
"Mənə hədə-qorxu gəldi. Mən də küçəyə çıxdım. Qonşunun evinin yanına çatanda gəlib məni iki dəfə vurdu, sonra boğdu. Dedim ki, "məni niyə döyürsən?". Qışqırıb girdim qonşunun evinə. Biz də polisə müraciət elədik. Sonra xəbər çatdı ki, evi yandırıb".
Qeyd edək ki, hadisə ilə bağlı Şəmkir Rayon Polis Şöbəsində ekspertiza təyin olunmaqla aidiyyəti üzrə araşdırmalar aparılır. Ekspertizanın rəyindən və araşdırmanın nəticəsindən asılı olaraq məsələyə hüquqi qiymət veriləcək.
