"Müdafiə Nazirliyinə və Silahlı Qüvvələrə Yardım Fonduna daha bir sorğu ünvanladım: İkinci Qarabağ savaşında iş adamı Mübariz Mənsimov Azərbaycan ordusuna maliyyə yardım göstəribmi? Cavab hamıya maraqlı olacaq".
AZXEBER.COM xəbər verir ki, bu sözləri tanınmış jurnalist Eynulla Fətullayev bildirib.
Qeyd edək ki, Eynulla Fətullayev bundan öncə də Mənsimovla bağlı Müdafiə Nazirliyinə sorğu göndərib, onun Əfqanıstanda döyüşüb-döyüşmədiyini dəqiqləşdirmişdi.
Müdafiə Nazirliyindən sorğuya cavab olaraq bildirmişdilər:
"22.03.1968-ci il təvəllüdlü, Mənsimov Mübariz Qurbanəli oğlu. 12.07.1987-14.04.1989-cu illərdə keçmiş sovet ordusunun 145 nömrəli hərbi hissəsinin hərbi qida məktəbində xidmət edib. Hərbi uçot ixtisası-Qoşun Qidasının aşbazı. Keçmiş SSRİ SQ-nin 145 nömrəli Hərbi Aşpazlar Məktəbi Almaniyada Sovet Qoşunları Qrupunun 20-ci Qvardiya Ümumqoşun Ordusu tərkibində Finovfurt şəhərində dislokasiya olunmuşdur. Sonradan hərbi hissə RF-nin Çita vilayətinin ərazisinə köçürülmüşdür.
Hərbi xidmətdən tağım komandirinin müavini kimi çavuş rütbəsində tərxis olunub. Hazırda SHXÇDX-nın Nizami Rİ-də hərbi qeydiyyatdadır. 31 nömrəli peşə məktəbini montajçı ixtisası üzrə bitirib."
Şərhə ehtiyac varmı? Yalan danışdığına görə, aşbaz müəllim çıxıb xalqdan üzr istəsin!", deyə Eynulla Fətullayev qeyd edib.
Jurnalist müsahibə üçün də Mübariz Mənsimova müraciət edib: "Mübariz Mənsimova müsahibə təklif edirəm, amma canlı yayımda. Rəsmi müraciət ünvanlayacam. Bütün sual-cavabları tamaşaçılar və oxucular onlayn rejimdə dinləsin. Təklif məqbuldurmu?".
Jurnalistin bu sualından 4 gün keçsə də, Mənsimov heç bir reaksiya verməyib.
