Qəzzada blokadanı yarmaq üçün Tunisdən yola düşən Məğrib Müqavimət Karvanı 2 gündür Liviyanın Sirte şəhərinin girişində saxlanılıb.
AZXEBER.COM xarici mətbuata istinadən xəbər verir ki, Fələstin üçün Birgə Fəaliyyət Koordinasiyasının sosial media hesabından edilən yazılı açıqlamada konvoyun təhlükəsizlik qüvvələri tərəfindən mühasirəyə alındığı, heç kimin içəri girməsinə və çıxmasına icazə verilmədiyi bildirilib.
Açıqlamada iyunun 12-si axşam saatlarından konvoyun yerləşdiyi Sirte şəhərinin girişindəki nəzarət-buraxılış məntəqəsində 50 kilometr radiusda internetin tamamilə məhdudlaşdırıldığı, qida məhsullarının da konvoyun yerləşdiyi əraziyə daxil olmasına icazə verilmədiyi qeyd edilib.
"Biz Liviya hakimiyyətini konvoyun düşərgəsinə qoyulmuş kordonu qaldırmağa və düşərgənin şərtlərini yüngülləşdirmək üçün qidanın daxil olmasına icazə verməyə çağırırıq”.
Aşağıdakı ifadələrin yer aldığı bəyanatda konvoyun təşkilatçıları ilə Liviyanın şərqindəki səlahiyyətlilər arasında danışıqların davam etdiyi bildirilir.
Karvan Liviyanın qərbindən problemsiz keçib, lakin iyunun 12-də axşam saatlarında ölkənin şərqində Xəlifə Haftar qüvvələrinin nəzarətində olan Sirte şəhərinin girişindəki nəzarət-buraxılış məntəqəsində dayandırılıb.
Gülay
