Oskar mükafatlı aktyor Bred Pitt üz korluğu ilə mübarizə apardığını açıqlayıb.
AZXEBER.COM xarici mediaya istinadən xəbər verir ki, yaraşıqlı aktyor Bred Pitt prosopaqnaziya adlı üz korluğu xəstəliyi ilə mübarizə apardığını açıqlayıb.
58 yaşlı aktyor üz korluğuna sahib olduğunu, adətən anadangəlmə olan və beynin bir hissəsindəki çatışmazlıqdan qaynaqlandığını bildirib.
Sonradan gördüyü və tanış olduğu insanları xatırlaya bilmədiyini deyən məşhur aktyor xəstəliyi nəticəsində insanların onu eqoist gördüyünü bildirib:
"Bu, insanların məni laqeyd, yaxınlaşmaz və yalnız özünü düşünən eqoist görməsinə səbəb olur. Bir çox insan məndən nifrət edir, çünki onlar elə zənn edir ki, mən onlara nifrət edirəm”.
Qeyd edək ki, üz korluğu olaraq da bilinən prosopaqnoziya adətən anadangəlmə olur. Beyindəki koqnitiv pozğunluq səbəbindən bu xəstəliyə düçar olan insanlar digər insanların üzlərini tanıya bilmir, hətta demək olar ki, görə bilmirlər. Bəzi insanların öz üzlərini belə tanımaqda çətinlik çəkdiyi vəziyyətlər də ola bilər.
Ayşən
