İtaliyanın və Avropanın ən məşhur reqbiçilərindən olan italyan Andrea Benattinin ailəsində məşum faciə yaşanıb. İdmançının 39 yaşlı arvadı Antonella Barbyeri 2 yaşlı qızı Kimi yataqda yastıqla boğandan sonra 5 yaşlı oğlu Lorenso Zevsi maşına oturdub.
Yolda qadın mətbəx bıçağı ilə oğlunun başını kəsib, sonra da intihar etməyə çalışıb.
Olay İtaliyanın Lombardiya vilayətindəki Suzarra şəhərində yaşanıb.
A.Barbyerinin salonu qan içində olduğunu görən yoldan keçənlər təcili yardım çağırıblar. Psixi problemləri olan qadını Reccio-Emiliya şəhərindəki "Santa Maria Nuova Hospital"a aparıblar.
A.Barbyeri indi ağır vəziyyətdədir. O, həkimlərin yardımından imtina edir, "Pis iş görmüşəm, ölmək istəyirəm!" deyir.
Görmə qabiliyyəti zəifləmiş Andrea Benatti son illər bizneslə məşğul olurdu. O, ailəsindəki faciə barədə işdə olarkən xəbər tutub.
///Milli.Az
