Uşaqları Milan və Saşa ilə Barselonadan ayrılaraq ABŞ-a köçən məşhur müğənni Şakira sosial media hesabından media mənsublarına səslənib.
AZXEBER.COM Türkiyə mediasına istinadən xəbər verir ki, bir müddət əvvəl ispaniyalı keçmiş futbolçu Xerard Pikedən ayrılması ilə gündəm olan müğənni Şakira Barselonadan köçərək uşaqları ilə birlikdə Amerikada məskunlaşıb.
Şakira sosial media hesabından Pikedən ayrılması və "Barselona"dan köçmək qərarı ilə bağlı açıqlama verib.
Müğənni paylaşımında bunları yazıb:
"Həyatımın böyük dəyişikliyə uğradığı bir vaxtda ailəmin və həyatımın narahat olması başa düşüləndir. Bununla belə, övladlarım Milan və Saşa çox çətin bir il keçirdilər. Oğullarım Barselona mediası tərəfindən daim təqib edilir. İndi yeni həyatlarına başlayan uşaqlarım üçün mediadan onların şəxsi həyatına hörmət etmələrini xahiş edirəm. Sizdən xahiş edirəm ki, məktəbə girəndə və ya çıxanda, evin qapısında və ya başqa yerdə onların arxasınca getməyin. Bunu sizdən müğənni kimi yox, övladlarının psixoloji və emosional durumlarına önəm verən, onları qorumağa çalışan bir ana kimi tələb edirəm”.
Mikayıl
