"Kobra Murad” ləqəbli türkiyəli müğənni Murad Divandilerin Belçikadan qayıdan təyyarədə qəflətən vəziyyəti pisləşib.
AZXEBER.COM Türkiyə mediasına istinadən xəbər verir ki, xəstəxanaya müraciət edən "Kobra Murad" həyatı üçün təhlükə yaradan əməliyyat olunacağını və sağalma prosesinin bir ay çəkəcəyini bildirib.
Əməliyyata edilməyə hazırlaşan müğənni paylaşım edərək bu sözləri yazıb:
"Bütün pərəstişkarlarımdan üzr istəyirəm. Məni bağışlayın və dualar edin. Sizə sağlam, məhsuldar, uğurlu və dinc ömür arzulayıram. İnşallah bu əməliyyatdan keçəcəm. Dualarınızı gözləyirəm. Kobra Muratdan sonsuz sevgi, hörmət və salamlar. Allah sizinlə olsun”.
Digər tərəfdən, müğənni daha bir yayımladığı videoda pərəstişkarlarına müraciət edərək hadisəylə bağlı təfərrüatları danışıb:
"Burada açıqlama verəcəm. Belçikadan gələn təyyarədə qəfil qarnımda partlayış oldu. Təcili yardımla Balatdakı xəstəxanaya gəldik. Analizlər aparıldı. Təəssüf ki, bağırsağım parçalanıb. Əməliyyata girəcəm. Bu əməliyyat prosesi 1 ay davam edəcək".
Mikayıl
