"Barselona"nın futbolçusu Lionel Messi keçmiş komandaya yoldaşı Ronaldinyo və bir müddət baş məşqçisi olan Frank Raykard haqqında maraqlı açıqlamalar verib.
AZXEBER.COM-un məlumatına görə, argentinalı hücumçu "Barca TV"yə müsahibəsində daha yaxşı səviyyəyə çatmasında braziliyalı oyunçunun böyük rolu olduğunu deyib:"Ronaldinyo Kataloniya klubunda olduğu zamanlarda mənim üçün önəmli biri idi. 16 yaşımda, xüsusilə də mənim xarakterimdə biri üçün soyunub-geyinmə otağı çox çətin idi. Ancaq Ronaldinyo mənə çətin gələn hər şeyi asanlaşdırdı. Ondan çox şey öyrənmişəm".
Keçmiş baş məşqçisi Raykard barədə isə Messi deyib: "Bəzən onun məni niyə oynatmadığını düşünürdüm və bunun səbəbini anlamırdım. Sonradan əslində onun mənə çox yaxşı davrandığını gördüm. Ona minnətdaram, çünki mənim üçün doğru zamanı seçən birisi idi".
