Cənubi Koreyanın Qvaçeon şəhərində tuneldə baş verən yanğın nəticəsində 5 nəfər ölüb, 37 nəfər yaralanıb.
AZXEBER.COM xarici mediaya istinadən xəbər verir ki, Cənubi Koreyanın paytaxtı Seulun cənubunda yerləşən Qvaçeonda yerli vaxtla saat 13:49-da tuneldə yanğın baş verib.
Rayona polis, təcili yardım, 4 yanğınsöndürən maşını, 219 yanğınsöndürən və helikopter göndərilib.
Alov sürətlə yayıldığı üçün ərazidən qatı tüstü qalxıb.
Səlahiyyətlilərin verdiyi açıqlamaya görə, 5 nəfər həyatını itirib, 3-ü ağır olmaqla 37 nəfər yaralanıb.
İlkin məlumata görə, yanğının avtobusla yük maşınının toqquşması nəticəsində başladığı bildirilib.
Hadisə ilə bağlı başladılan araşdırmalar davam edərkən, alov 2 saat yarımdan sonra söndürülə bilib.
Mikayıl
