Braziliyanın Qauşu liqasının II turu çərçivəsində baş tutan “Nyu-Hamburqo”-“Kaşias” matçında insident yaşanıb.
ANS PRESS-in Rusiya mətbuatına istinadən verdiyi məlumata görə, matçın 32-ci dəqiqəsində “Nyu-Hamburqo”nun futbolçuları qol vursalar da oyunun baş hakimi oyundan kənar vəziyyət səbəbindən qolu qeydə almayıb. Bundan sonra meydanda münaqişə yaranıb.
Qarmaqarışıqlıqda tribuna ətrafında dayanan polis itlərindən biri “Kaşias”ın futbolçusunu dişləyib.
