Demokratik İslahatlar Partiyasının (DİP) sədri, millət vəkili Asim Mollazadə 6-cı Avropa-Ukrayna Forumunda iştirak etmək üçün Budapeştə gedib.

AZXEBER.COM-un məlumatına görə, Polşanın Şərq Araşdırmaları İnstitutunun və Macarıstanın Xarici İşlər Nazirliyinin təşkil etdiyi budəfəki forumun mövzusu “Avropa İttifaqı-Ukrayna: Əməkdaşlığın prioritetləri.

Yeni məqsədlər, köhnə çağırışlar”dır.Forumda Avropanın enerji təhlükəsizliyi, iqtisadi islahatlar, yenidənqurma prosesləri, demokratik inkişaf və sərmayələrin cəlbi ilə bağlı məsələlər müzakirə olunacaq.A.Mollazadə Forumun “Qanunun aliliyi - demokratiyanın inkişafı üçün perspektivlər” panelində çıxış edəcək.Foruma Avropanın bir sıra hökumət rəhbərləri, nazirlər, parlamentlərin, nüfuzlu beynəlxalq təşkilatların, aparıcı beyin mərkəzlərinin, iri maliyyə qurumlarının rəhbərləri və nümayəndələri qatılacaq.Qeyd edək ki, bu forum ənənəvi beynəlxalq İqtisadi Forumun çərçivəsində reallaşacaq.