Millət vəkili Elnur Allahverdiyev Tofiq Bəhramovun yaşadığı binada mini meydançanın örtüyünə görə AFFA-ya təşəkkür edib.
AZXEBER.COM xəbər verir ki, deputat özünün rəsmi facebook hesabında bununla bağlı status paylaşıb. Allahverdiyev qeyd edib ki, Bakıda- məşhur "5 mərtəbə” adlanan binada seçki kampaniyası zamanı sakinlərlə görüş zamanı seçicilərin arzularından biri binanın həyətində uşaqların asudə vaxt keçirməsi üçün stadion salınması olub.
Həmin binada tanınmış futbol hakimi Tofiq Bəhramov yaşayıb. İndi stadion tikilir. Millət vəkili deyir: "Uzunluğu 25, eni 12 metr olacaq mini-meydança AFFA tərəfindən süni ot örtüyü ilə təmin olunacaq. Fürsətdən istifadə edərək bu diqqətinə görə AFFA rəhbərliyinə bir daha minnətdarlığımızı bildiririk. Meydança işıqlandırılacaq ki, övladlarımız axşamüstü, dərs çalışmalarını yerinə yetirdikdən sonra rahat futbol oynaya bilsinlər".
