TRT Avaz kanalında canlı yayımın qonağı olan millət vəkili Qənirə Paşayeva İlham Əliyevin yenidən prezident seçilməsindən sonra Azərbaycan-Türkiyə əlaqələrinin daha da sürətlə inkişaf edəcəyinə əmin olduğunu deyib.
AZXEBER.COM xəbər verir ki, 2 saat davam edən və 9 oktyabr-prezident seçkilərinə həsr olunan proqramda Qənirə Paşayeva ilə yanaşı Türkiyə Böyük Millət Məclisinin üzvü, Türkiyə-Azərbaycan Parlamentlərarası Dostlıq Qrupunun sədri Necdet Ünivar, Azərbaycan Mətbuat Şurasının sədri Əflatun Amaşov, APA Holdinqin prezidenti Vüsalə Mahirqızı, Azərbaycan Respublikasının Prezidenti yanında Strateji Araşdırmalar Mərkəzinin eksperti Cavid Vəliyev də iştirak ediblər.Proqramda iştirak edənlər Azərbaycanda prezident seçkilərinin yüksək səviyyədə, azad və beynəlxalq standartlara uyğun şəkildə keçirildiyini vurğulayıblar.Çıxışı zamanı Qənirə Paşayeva İlham Əliyevi yenidən prezident seçilməsi münasibətilə təbrik edib.Millət vəkili Qənirə Paşayeva bildirib ki, İlham Əliyevin prezident seçkilərində qələbə çalması onun gördüyü işlərin nəticəsidir.Azərbaycan və Türkiyə arasında bütün istiqamətlərdə əlaqələrin sürətlə inkişaf etdiyini deyən millət vəkili İ.Əliyevin yenidən prezident seçilməsindən sonra bu əlaqələrin daha da sürətlə inkişaf edəcəyini deyib.
