Türkiyədə PKK terror təşkilatının dəstəkçisi və Demokratik Cəmiyyət Şurasının (DTK) sədr müavini, kürd millət vəkili Aysel Tuğlukun başına su butulkası vurublar. Hadisə Diyarbəkir vilayətində tələbələr arasında insident zamanı baş verib. Məlumata görə, Aysel Tuğluk Sülh və Demokratiya Partiyası (BDP) Diyarbəkir təşkilatının sədri Zibeydə Zümrüdlə birlikdə insidenti yatışdırmaq üçün hadisə yerinə gediblər.Millət vəkili, sədr və digər BDP üzvləri ayırdıqları tələbələri bölgədən uzaqlaşdırmaq üçün şəhər bələdiyyəsindən avtobus istəyiblər. Tərəflər avtobusa mindirildiyi vaxt isə insident yenidən qızışıb və naməlum istiqamətdən atılan su butulkası Aysel Tuğlukun başına dəyib. Tuğluk avtobusa mindirilərək ərazidən uzaqlaşdırılıb. Qadın millət vəkilinin vəziyyətinin qənaətbəxş olduğu bildirilir.Xatırladaq ki, ötən gün Diyarbəkirdə İslam peyğəmbəri Hz. Muhammədin (Ə.S.) miladi təqvimlə aprel ayına təsadüf edən və hər il ənənəvi olaraq bu ayda keçirilən “Müqəddəs doğum həftəsi” tədbirləri çərçivəsində broşura paylayan İlahiyyət fakultəsi tələbələri ilə solçu tələbələr arasında insident baş vermişdi. İnsidentin bu gün də davam etməsi ilə tərəfləri ayırmaq üçün hadisə yerinə siyasi PKK-çılar gedib.