Dekabrın 20-də Azərbaycan Respublikası Milli Məclisinin sosial siyasət komitəsinin iclası keçirilmişdir.

AZXEBER.COM AzərTAc-a istinadən xəbər verir ki, iclası açan sədr Hadı Rəcəbli sosial siyasət komitəsinin 2013-cü ilin payız sessiyasının yekunları və 2014-cü ilin yaz sessiyasında nəzərdə tutulan qanun layihələri barədə məlumat vermişdir.

İclasda Milli Məclisin sosial siyasət komitəsi üzvlərinin 2013-cü ilin payız sessiyasındakı fəaliyyəti qənaətbəxş qiymətləndirilmişdir.Hadı Rəcəbli demişdir ki, payız sessiyasında komitənin yeddi, işçi qrupun bir iclası keçirilmişdir. Ümumilikdə 12 qanun layihəsinə baxılmışdır. Qəbul olunan qanun layihələri insanların sosial müdafiəsinin gücləndirilməsinə xidmət edən sənədlər olmuşdur. Payız sessiyasında komitə üzvlərinə vətəndaşlardan çoxsaylı müraciətlər də daxil olmuşdur. Qeyd edilmişdir ki, 2014-cü ilin yaz sessiyasında komitə “Reproduktiv sağlamlıq”, “Uşaqların istirahətinin təşkili” və daha bir neçə yeni qanun layihəsinin hazırlanması istiqamətində işlərini davam etdirəcəkdir.Sədr bildirmişdir ki, yaz sessiyasında komitənin işi daha səmərəli olacaqdır.