İspaniyada təşkil olunmuş təlim-məşq toplanışı çərçivəsində 17 yaşadək futbolçulardan ibarət Azərbaycan yığması bu gün yoldaşlıq oyunu keçirib.

AZXEBER.COM-un AFFA-nın rəsmi saytına istinadən verdiyi məlumata görə, yığmamız “Barselona” klubunun müvafiq yaş qrupundan ibarət komandası ilə qarşılaşıb.

“Barselona” klubunun bazasında keçirilmiş oyun 1:0 hesabı ilə komandamızın xeyrinə başa çatıb. İspaniya təmsilçisinin qapısından topu Cem Fələk keçirib.