"Millimiz Belçika qarşısında yaxşı və mübariz bir oyun sərgilədi".
Bu fikirləri AzxeberSport-a açıqlamasında futbol mütəxəssisi Aslan Kərimov Azərbaycan - Belçika oyununu şərh edərkən deyib.
O, İordaniyanı qəbul edəcək yığmanın son oyunda Belçikaya qarşı performası eyni zamanda çatışmayan tərəflərini təhlil edib:
"Baxmayaraq ki, rəqibimiz Belçika milli komandası idi. Hamımız bilirik ki, bu yığma komanda dünya reytinqində bir neçə il öncə ilk pillədə gedirdi. Heyətinə baxsaq, qeyd etmək lazımdır ki, bu futbolçular Avropanın öndə gedən klublarının nümayəndələridir. Belə komandaya qarşı oynayarkən təbii ki, şanslarımız az idi. Bu millini məğlub etmək çox çətindir. Bu tip milli yığmalara qarşı oynayırsansa, müdafiə mövqeyində çox məsuliyyətlə oynamaq lazımdır. Rəqibə boşluqlar verməməliydik. Bundan əlavə, əlimizdə olan nadir hücumlardan istifadə edərək qol vurmaq məcburiyyətində idik. Biz nə İspaniya, nə İtaliya, nə də İngiltərə millisi deyilik ki, əlimizdə olan 6-7 qol fürsətinin yarısını dəyərləndirək. Bu baxımdan, düşünürəm ki, sözügedən oyunda çox böyük məsuliyyətlə müdafiə oluna bildik. Lakin kuryoz bir epizoddan buraxdığımız qol nəticə etibarilə oyunun taleyini həll etdi. Əslində, bizim də yaratdığımız 2-3 qol epizodu var idi ki, bu şanslardan maksimum istifadə etmək lazım idi".
Həmin açıqlamanı təqdim edirik:
