Ermənistan və Azərbaycan arasında sülh sazişinin imzalanması ilə bağlı danışıqlar davam edir, lakin onun imzalanmasının dəqiq tarixi yoxdur.
Bunu jurnalistlər üçün brifinqdə Ermənistan Respublikası xarici işlər nazirinin müavini Mnatsakan Safaryan deyib.
Nazir müavini bildirib ki, tərəflər arasında təmaslar davam edir.
Delimitasiya prosesinə toxunan nazir müavini qeyd edib ki, bu proses iki ölkənin delimitasiya komissiyalarının rəhbərləri səviyyəsində həyata keçirilir.
Safaryan vurğulayıb ki, iş dayanmır.
Sünikdə delimitasiyanın davam edib-etməyəcəyi məsələsinə toxunan nazir müavini əlavə edib ki, hər hansı bir inkişaf olarsa, mütləq məlumat olacaq.
///APA
