Çin ABŞ-la münasibətlərdə Tayvan məsələsini "qırmızı xətt” hesab edir.
APA "China Global Television Network” (CGTN) dövlət xəbər kanalına istinadən xəbər verir ki, bu barədə ölkənin Müdafiə Nazirliyinin rəsmi nümayəndəsi Zhang Xiaogang brifinq zamanı bildirib. MN rəsmisi qeyd edib ki, ABŞ "vahid Çin” prinsipinə məhəl qoymur.
Pekin Vaşinqtondan Tayvanla hərbi sahədə hər cür qarşılıqlı mübadilə və təmasları dayandırmağı tələb edir. Həmçinin əlavə edilib ki, Tayvan məsələsi Çinin əsas maraqlarının mərkəzində dayanır və Çin-ABŞ münasibətlərində keçilməsi mümkün olmayan qırmızı xətdir.
"Biz ABŞ tərəfini Çinin Tayvan regionu ilə rəsmi dialoq və hərbi sahədə əlaqələri dərhal dayandırmağa, Tayvanı silahlandırmağa son qoymağa və "Tayvanın müstəqilliyini” dəstəkləməməklə bağlı öhdəliyini yerinə yetirmək üçün əməli tədbirlər görməyə çağırırıq”, - Nazirlik rəsmisi əlavə edib.
///Apa
