Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə “Azad və ədalətli seçkilər uğrunda” Jurnalist Təşkilatları-QHT Koalisiyası “2013-cü il prezident seçkilərinin monitorinqi” layihəsi çərçivəsində 15 DSK üzrə 150 məntəqədə müşahidə aparır.
Koalisiya müşahidəçilərindən saat 17.00-a daxil olan məlumatlara görə, seçici fəallığı kifayət qədər yüksək olub. Səsvermənini gizliliyinə riayət olunur.
Seçki məntəqələrində səsvermənin müşahidəsi, KİV nümayəndələrinin səsverməninin gedişini işıqlandırmaları ilə bağlı hər hansı problem qeydə alınmayıb.
Ümumən ciddi narahatçılıq doğuran qanun pozuntularına rast gəlinməyib. Koalisiyanın müşahidəçiləri bir sıra məntəqələrdə seçicilərin barmaqlarında mürəkkəbin yoxlanması və mürəkkəblənməsi prosedurlarındaşəffaflığın təminatı ilə əlaqədar məntəqə sədrlərinə məlumat veriblər. Bir neçə məntəqədə seçiciyə səsvermək üçün zəruri sənədi olmadığı halda bülleten verildiyi müşahidə olunub. Məntəqə sədrlərinin müdaxiləsindən sonra yaranmış problemlər aradan qaldırılıb.
Səsvermə sakit məcrada, insidentsiz davam edir.
Jurnalist-QHT Koalisiyası növbəti məlumatını saat 20.00-da yayacaq.
