Rusiyanın paytaxtı Moskvada binada baş verən partlayış nəticəsində 1 nəfər ölüb, 4 nəfər yaralanıb.
AZXEBER.COM xarici mətbuata istinadən xəbər verir ki, partlayış nəticəsində Donetsk vilayətindən olan yüksək rütbəli rusiyapərəst hərbçi Armen Sarkisyanın ciddi xəsarət aldığı bildirilir.
Rusiyanın təhlükəsizlik xidmətləri ilə əlaqəsi olan Baza Telegram kanalı partlayışın baş verdiyi Alye Parusa yaşayış kompleksinə böyük ziyan dəydiyini göstərən video yayımlayıb.
Partlayışın nədən baş verdiyi hələlik məlum deyil.
Qeyd edək ki, dekabrda Ukrayna rusiyalı generalı İqor Kirillovun Moskvada yaşayış binasının qarşısındakı partlayışda öldürülməsinə görə məsuliyyəti öz üzərinə götürmüşdü.
