Tanınmış telejurnalist İsa Şükürov MTV-də işə başlayıb.
AZXEBER.COM xəbər verir ki, İsa "MTV Maqazin" adlı yeni verilişlə tamaşaçıların qarşısına çıxacaq.
Bu haqda danışan aparıcı maqazin ənənələrinə sadiq qalacağını bildirib:
"Yeniliklər mütləq olmalıdır. Çünki yenilik inkişafdır. Bir də ən əsası çox istərəm ki, bütün kanallarda maqazin verilişləri olsun. Sağlam rəqabət olmadan inkişaf olmur. "MTV Maqazin" verilişinin də uğurlu olacağına inanıram. Çünki işin keyfiyyətli olması üçün kanal rəhbərliyi hər bir şərait yaradır. Tezliklə yayım tarixini də açıqlayacağıq".
Qeyd edək ki, İsa Şükürov daha əvvəl ARB TV-də "Show News" həftənin 5 günü yayımlanan maqazin verilişinin aparıcısı olub.
